نص طريف نشر على مواقع التواصل الإجتماعي، ويدور حول سر بعض الأرقام في اللهجة اللبنانية واستخداماتها المختلفة للغاية، وعلى سبيل الفكاهة، وهي 60، 100، 10،1000، 2 و7، أما سبب ترتيبها بهذا الشكل، فهو بحسب ورودها بالنص، كما تركناها باللهجة اللبنانية وكما وردت.

على سبيل المثال:

الرقم 60.. يستخدم فقط وحصرياً دون عن باقي الأرقام في الشتيمة..

مثل ابن "60" كلب.. ولا يقولوا مثلاً ابن "50" كلب ولا ابن "70" كلب

هو بس 60 كلب فقط.

على نفس المنوال اابن الـ 60 صرماية.. ؟؟؟

ويستخدم الرقم 60 أيضا لوصف اسوأ مكان أو وجهة

انقلع او روح في 60 داهية.. وابداً ما حدا قال بـ 80 داهية مثلا ابدا .. 

أو حدّك 60 جهنم مثلاً.. مش حدك 40 جهنم لاء..

وأوقات يستخدم رقم 60 للتوبيخ:

60 مرة قلتلك لا تعمل هيك.. هية بتكون  مرتين..

60 مرة ناديتلك.. هية بتكون 3 مرات أيضاً..

أما الرقم 100 للتسليمات..

100  أهلا وسهلا.. مامنقول 50 أهلا وسهلا مثلا..

100  السلامة.. مش 40 سلامة مثلا..

100  وردة بهالطلة.. مش 25 وردة مثلا..

أما 10 فتستخدم لوصف جودة الأشياء أو الأفعال ..

الشغل  10 على 10 يعني ماشي تمام..

أو فتح عيونك 10 على 10  يعني انتبه..

أما الرقم 1000 فيستخدم تحديداً في التهنئة..

1000 مبروك.. ما في  100 مبروك مثلا؟؟

1000  الحمدلله عالسلامة.. مافي 20  الحمدلله مثلا!

أما الرقم 7 في الوصف فهو ظاهرة غريبة جدا، وهي الحيرة الشديدة  أو البحث المتواصل والمتعب عن شيء أو شخص ما ..

دخت الـ 7 دوخات.. لحد ما لقيت فلان أو هالغرض الخ...

كما يستخدم الرقم 7 للتعبير عن النوم العميق..

ما رح يرد عليك ، شكلو ب "سابع" نومة..

على أساس انه لو بـ "سادس" نومة كان قام عادي ورد !

أما الرقم 2 وهو أطول مدة زمنية في الكون و هي الساعتين ..

صارلو "ساعتين" بنفس القصة هية بتكون ٥ دقايق..

صارلي " ساعتين" ناطرك هية بتكون 7 دقايق..

صارلي "ساعتين" عم فهمك هالشغلة هية بتكون ٥ دقايق..

هلكت صارلي " ساعتين" واقف عرجليي هية كمان بتكون شي 3 دقايق.....