كشف نجل شقيق الراحل عبدالحلِيم حافظ، محمد شبانة، عن مفاجأة كبيرة حول جثمان العندليب الأسمر وهي أنه لم يتحلل على الرغم من مرور 31 عاماً على وفاته، وقال في حوار مع صحيفة "اليوم السابع" المصرية: "روحت دار الإفتاء وعرفنا إزاي ننقل جثمان والدي وعمي عبدالحلِيم بسبب المياه الجوفية، وجبنا خبراء ومهندسين لكن لقينا المياه مدخلتش ليهم بسبب الصخور، لكن فضلنا ننقلهم ونعمل عزل للمكان".

وتابع شبانة: "نزل شيخ مسجد وشيوخ تانية القبر ولقيتهم بيقولي لازم تنزل علشان تشوف بعينك"، مضيفا: "نزلت وشدوني وشوفت حاجة جميلة، وهي إن عمي عبدالحلِيم نايم بشعره الأسود وخدوده ومناخيره وودانه، وكل حاجة زي ما هى سليمة متحللتش"، وأردف: "لما سألت قالولي إنه كان بيعمل أعمال خير كتير جداً، ومش بيحكي عن الحكاية دي لأنه مش بيحب يظهر في الصورة".

وتابع شبانة: "كنت رافض أقول إللي شوفته، بس قالولي قول لأنها مش هتقدم ولا تأخر دي حاجة عند ربنا"، وأكد أنه سيتم طرح مذكرات صوتية قريباً للعندليب، يذكر فيها أسباب عدم زواجه من سعاد حسني وبدايته معها، وقصص حبه جميعاً، وعلاقاته ببليغ حمدي وعبد الوهاب وغيرهما.