كشف الممثل والمخرج المصري بيومي فؤاد عن أنه يتعرض لموجات من الشتائم بسبب تشجيعه للنادي الأهلي، منتقدا حالة الشحن بين جماهير قطبي كرة القدم المصرية.
وقال بيومي فؤاد خلال لقائه مع الإعلامية إنجي علي، في كواليس برنامج "أسرار النجوم" عبر إذاعة نجوم إف إم: "الناس بتشتمني علشان أهلاوي، ربنا خلقني أهلاوي، ولو جمهوري الزملكاوية شايف إن ده عيب الكمال لله سبحانه وتعالى، أنا مش بغلط في الزملكاوية، والناس بتزعل مني لما أقول الحق".
وأضاف: "طول عمرنا أهلاوية وزملكاوية بنهزر على مين كسب ومين خسر، لكن في الآخر إحنا إخوات وأصحاب وحبايب، وهشام وشيكو زملكاوية، وفي كل ماتشات الأهلي والزمالك بياخدوني عندهم، ولما الزمالك يكسب بيقعدوا يضربوني ويخلوني أعمل فيديو أقول فيه الزمالك أحسن فرقة في الدنيا".
وتابع: "إيه اللي وصلنا للدرجة دي، أقسم بالله بقيت أمشي خايف أتشتم بأمي وأبويا علشان أهلاوي، أو حد يحدفني بحاجة، إيه كم الشحن ده"، بحسب "في الفن".
ووجه بيومي فؤاد رسالة لرئيسي الأهلي والزمالك قائلا: "مباراة الأهلي والزمالك يوم عيد، علشان كده بقول لسيادة المستشار وكابتن محمود الخطيب مفيش بني آدم من حضراتكم في إيده ينكد على المصريين وينسحب".
