كشفت ريم طارق زوجة الفنان حسن شاكوش أنها هي من طلبت الانفصال عن شاكوش بسبب ما عانته منذ اليوم الرابع من الزواج.
وقالت ريم طارق في برنامج تلفزيوني: "أنا اللي قررت أنفصل لأن حصل حاجة واجهته بيها وقال لي هي دي عيشتي وهي دي حياتي، قلت له مفيش بني آدم عنده العيشة دي"، وأردفت: "قلت له أنا آسفة مش هقدر أكمل الموضوع مش خيانة، لكن دي حاجة بتتعمل وأنا مجبرة أشوفه وهو بيعملها، مكنتش هقدر ومش هجازف بنفسي".
وتابعت: "لما قلت له لازم ننفصل وهمشي قالي ممكن نتكلم لكني قلت له مضطرة أمشي وهبعت أهلي لو احتجت حاجة هيجبوهالي، وماخدتش أي حاجة إلا ترنج، ولما حاولت أرجع تاني يوم عشان ألم لبسي قال للأمن في الكومباوند محدش يدخلني رغم إن كل حاجتي الشخصية جوه عنده"، بحسب "في الفن".
وقالت ريم طارق "أهله اتواصلوا معانا وقالوا تعالوا نقعد على كافيه علشان نطلقها وبابا قالهم أنا ليا بيت وزي ما أخدها من بيتي يجي يطلقها ولو بنتي غلطانة أربيها مرضيوش".
واضافت ريم طارق "عملت إثبات حالة إن حاجتي في البيت معجبش أهله ولما طلعت على السوشيال ميديا بعتلي وقالي انتي بتكتبي عالسوشيال دي لعبتي أنا هتسلى عليكي أنتي وأهلك عليها".
