كشف الفنان المصري مصطفى فهمي، ولأول مرة تفاصيل انفصالة عن زوجته الإعلامية اللبنانية فاتن موسى، وذلك خلال لقائه في برنامج "الحكاية" الذي يقدمه الإعلامي عمرو أديب.

وقال فهمي خلال اللقاء: "أنا بشوف الطلاق دا حاجة صحية جدا، أنا اتجوزت فاتن لمدة 4 سنوات، في أول سنتين كان فيهم خلافات بسبب لبسها، وابتدت تزيد هذه الخلافات بعد كدا وأصبحت خلافات مستمرة"، وأضاف: "على طول في شد وجذب، طبعا الناس كانوا بيشوفوا صورنا على السوشيال ميديا يقولوا إنو إحنا في القمة السعادة دا مش شرط يكون واقع، وآخر سنتين كان فيهم تصادم مستمر".

وتابع: "حصل بيني وبين فاتن مشكلة قبل السفر، إن إحنا هنروح لبنان عشان نحضر خطوبة أختها، وأنا قررت أن أنا مش هسافر، أخوها كان قعد عندي بقاله أسبوع، قولتلها أنا مش هسافر، لكن إزاي، فقامت العركة والخناقة واشتدت جدا والصوت عـلي وعملنا خناقة كبيرة".

وأضاف: "أخوها قال كدا مش هينفع وانزلوا اتطلقوا، وقالت إنى غدرت بيها، لا هي عارفة إنى هطلقها"، وأردف: "أخدت قرار الطلاق وبعد ما سافرت طلقتها، خصوصا أن الحياة أصبحت مستحيلة بيننا"، وأوضح "هل يُعقل أنني أشتري شقة على منطقة الروشة ثمنها 3 ملايين دولار"، وأضاف أنه لم يوجه لها أي كلام، وبيننا كلمة القضاء، وفي الآخر هي ست وأنا مش هخوض في عرض واحدة كانت مراتي في يوم من الأيام.